Ирон фысджыты иумæйаг къам

 

УНИКАЛЬНАЯ ФОТОГРАФИЯ — 2 (Фрагменты)

Спасибо всем, кто попытался угадать кто запечатлен на фотографии (см. предыдущий пост).
А теперь фрагменты снимка с указанием фамилий.

Эпиграммæтæ

  Хозиты Яковы эпиграммæтæй цалдæр:

 

ДЗУРАГ

Æмбал! Кæрон ыскæн дæ дзырдтæн,

Кæннод фæдисы хъæр кæнын:

Дæ докладмæ лæппуйæ ’рцыдтæн

Æмæ зæронд лæгæй цæуын.

 

Е. Т.

Дæ роман у бæрзонд æнтыст,

Йæ кой цæрдзæн æнус, мæ лымæн.

Æмæ зæгъдзысты: уый уыд фыст,

Цæмæй йæ мачи кæса, уымæн!

* * *

«Фурд» йæ чиныг хоны

Боциты Барон,

Уымæн æмæ зоны:

Нæй дзы къаддæр дон.

* * *

Тазе нын каст æгас бон драмæ.

Уыдис æмхæццæ æмæ даргъ,—

Цыфæнды карздæр эпиграммæ

Фаг уымæн не скæндзæнис аргъ.

1937 азы 21 май

Фысджытæ худынц

Иу поэт тыхстхуызæй афтæ бакодта:

— Нæ фысджыты чингуытæм æркæсын хъæуы. Искæуыл пародитæ куы афыссин. Фæлæ кæуыл?

— Дæхиуыл. Дардмæ цæуын дæ нæ хъæуы,— йæ ныхас æм баппæрста Саламджери.

— Мæхимæ мæ къух нæ тасы.